აშშ არ ჩამოაგდებს რუსულ რაკეტებს უკრაინის თავზე რუსეთთან ომის საფრთხის გამო - Politico
...
გამოცემა Politico წერს, რომ შეერთებული შტატები ისრაელში თამამად მოქმედებს, უკრაინაში კი ფრთხილად, ვინაიდან რუსეთი ბირთვული იარაღით არის შეიარაღებული, ირანი კი არა.
„მძიმე პასუხი, რომლის მოსმენაც უკრაინელებს არ მოსწონთ, მაგრამ, სამწუხაროდ, მართალია, არის ის, რომ ჩვენ შეგვიძლია გავრისკოთ ირანის რაკეტების ჩამოგდება თეირანთან პირდაპირი ომის პროვოცირების გარეშე, რამაც შეიძლება გამოიწვიოს გაცილებით მეტი რისკი, თუ ამას გავაკეთებთ რუსეთითან“, - ციტირებს Politico აშშ-ს სენატის მაღალჩინოსანს.
ამავდროულად, საჰაერო თავდაცვის ორმა უკრაინელმა ოფიცერმა, ანონიმურობის პირობით, აღიარა, რომ ისრაელის თავზე რაკეტების ჩამოგდება უფრო ადვილია, ვიდრე უკრაინის თავზე, ქვეყნის მცირე ზომის გამო. ამრიგად, შეერთებულ შტატებს შეუძლია გამოიყენოს გემებზე დაფუძნებული სარაკეტო თავდაცვის სისტემები, მაშინ როცა უკრაინა არის დიდი ქვეყანა, მიუწვდომელი დასავლური საზღვაო ძალებისთვის. უკრაინის დასაცავად საჭირო იქნებოდა საჰაერო თავდაცვის განთავსება დასავლეთ საზღვარზე, მაგრამ ეს მხოლოდ მიმდებარე ტერიტორიას დაეხმარება.
