...

ისრაელის  თავდაცვის ძალებმა (IDF) კვლავ შეაჩერეს სამხედრო ოპერაციები ღაზას სექტორის სამხრეთით მდებარე ქალაქ რაფაში 10:00-დან 14:00 საათამდე. (ადგილობრივი დროით).

ამის შესახებ IDF-ის ოფიციალურმა წარმომადგენელმა ავიჰაი ედრიმ განაცხადა. 

„არმია განახორციელებს საომარი მოქმედებების ტაქტიკურ შეჩერებას დღის განმავლობაში, კერძოდ, 10:00-დან 14:00 საათამდე დასავლეთ რაფაში ჰუმანიტარული მიზნებისთვის“, - დაწერა მან სოციალურ ქსელ X-ში. 

ედრიმ  დასძინა, რომ ჰუმანიტარული დერეფანი ღაზას ქალაქ დარაჯ ტუფას, ჯებალიასა და შუჯაიას რაიონებში მცხოვრებთა ევაკუაციისთვის კვლავ ადგილობრივი დროით 16:00 საათამდე იმუშავებს.