...

აქონდროპლაზიის დიაგნოზის მქონე ბავშვების მშობლები ჯანდაცვის სამინისტროსთან კვლავ რჩებიან. აქციის მონაწილეების მოთხოვნა უცვლელია, მოხდეს შესაბამისი მედიკამენტის შემოტანა საქართველოში, რომელიც მათი შვილების სიცოცხლისთვის აუცილებელია.

აღნიშნულთან დაკავშირებით დღეს, 30 მარტს განცხადება გააკეთა, ჯანდაცვის მინისტრის მოადგილე თამარ გაბუნიამ, მისი თქმით, იქნება შესაბამისი კონსილიუმი მოწვეული, სადაც მოხდება კონკრეტული პრეპარატის შეახებ გადაწყვეტილების მიღება და რომელშიც პაციენტების წარმომადგენელიც იქნება წარმოდგენილი.

„უნდა ჩამოყალიბდეს დამატებთ კლინიკური ექსპერტების ჯგუფი,  სადაც ჩვენ მოვიწვევთ პაციენტთა ორგანიზაციის წარმომადგენლებს წევრის სტატუსით, ასევე სხვა არასამთავრობო ორგანიზაციების წარმომადგენლებსაც, რათა პროცესი იყოს გამჭვირვალე. გასათვალისწინებელია თანაბრად ყველა იშვიათი დაავადების მქონდე ბავშვის საჭიროებები“, - განაცხადა მან.

გაბუნიას თქმით, მედიკამენტი, რომლის მიწოდებასაც მშობლები მოითხოვენ, ჯერ-ჯერობით ვერ აკმაყოფილებს ყველა იმ სტანდარტს, რომელიც აუცილებელია მის შემოსატანად.

„ამიტომაც მედიკამენტი, რომელსაც არ აქვს ჯანმრთელობის მსოფლიო ორგანიზაციისგან დასტური იმის შესახებ, რომ სტანდარტული გამოყენების იყოს, არ არის სტანდარტული გამოყენებით შეტანილი გაიდლაინებში, საჭიროებს დამატებით შესწავლას“, - განაცხადა გაბუნიამ.