...

"კრემლს შესაძლოა, ექვს თვეში ამოეწუროს საბრძოლო მანქანები"  - ამის შესახებ Forbes-ი იტყობინება.

როგორც გამოცემა წერს, უკრაინაში შეჭრის შემდეგ, ყოველდღიურად, რუსული ჯარები კარგავენ, საშუალოდ, 19 ტანკს, საბრძოლო მანქანას, ჰაუბიცებს და სხვა მძიმე იარაღს.

ანალიტიკოსი ენდრიუ პერპეტუა აღნიშნავს, რომ წელს რუსები სულ უფრო მეტ მანქანას კარგავენ და უფრო სწრაფად, ვიდრე ოდესმე.

„ეს ნიშნავს, რომ ქვეითთა ​​საბრძოლო მანქანების ყოველთვიური მსხვერპლის მაჩვენებელი 400-ს უახლოვდება. ხუთჯერ მეტია, ვიდრე 2022 და 2023 წლებში. ამჟამინდელი ტემპით, რუსეთს არ აქვს საბრძოლო მანქანების ორწლიანი რეზერვი. არა, მას აქვს ალბათ ექვსითვიანი რეზერვი". - წერს გამოცემა.

ომის შემსწავლელი ინსტიტუტის (ISW) ცნობით, რუსეთის ინდუსტრიას შეუძლია ყოველწლიურად აწარმოოს, დაახლოებით, 250-300 „ახალი და საფუძვლიანად მოდერნიზებული“ ტანკი. ამავდროულად, აგრესორი ქვეყნის ქარხნებს შეუძლიათ შეაკეთონ და ექსპლუატაციაში შეიყვანონ, არაუმეტეს, 250-300 ტანკისა, რომლებიც ხანგრძლივად ინახებოდა ან ბრძოლებში დაზიანდა.

ანალიტიკოსების აზრით, ეს საკმარისი არ არის მობილიზებული რეზერვისტების, ანუ წვევამდელების დიდი რაოდენობის უზრუნველსაყოფად.

უკრაინის შეიარაღებული ძალები ცნობით კი, ოკუპანტებმა ბოლო 24 საათის განმავლობაში 5 ტანკი დაკარგეს.