...

დღეს, 19 სექტემბერს, რუსმა დიქტატორმა პუტინმა სახელმწიფო დუმას რატიფიკაციისთვის წარუდგინა შეთანხმება რუსეთსა და სამხრეთ ოსეთის თვითგამოცხადებულ რესპუბლიკას შორის სამხედრო-ტექნიკური თანამშრომლობის განვითარების შესახებ. შესაბამისი დოკუმენტი 19 სექტემბერს განთავსდა რუსეთის ფედერაციის პარლამენტის პალატის საკანონმდებლო საქმიანობის მონაცემთა ბაზაში, იუწყება TAСС.

"რატიფიცირება რუსეთის ფედერაციასა და სამხრეთ ოსეთის რესპუბლიკას შორის 2023 წლის 23 აგვისტოს ქალაქ ცხინვალში ხელმოწერილი სამხედრო-ტექნიკური თანამშრომლობის განვითარების შესახებ შეთანხმების", - ვკითხულობთ დოკუმენტში.

დოკუმენტში მოცემული განმარტებითი ბარათი და მთავრობის დასკვნა მიუთითებს, რომ „ამ შეთანხმების განხორციელება ხელს შეუწყობს სამხედრო-ტექნიკურ სფეროში თანამშრომლობის გაღრმავებას რუსეთის ფედერაციისა და სამხრეთ ოსეთის რესპუბლიკის თავდაცვისუნარიანობის გაძლიერების მიზნით“.

იმავდროულად, ცხინვალმა განაცხადა, რომ „ამ შეთანხმების წყალობით, რუსეთი გახდა სამხრეთ ოსეთში მშვიდობისა და უსაფრთხოების შენარჩუნებისა და მთლიანად რეგიონში დაძაბულობის ესკალაციის პრევენციის გარანტი“.