საქართველო და მოლდოვა ევროპული გზის გადამწყვეტი მომენტის წინაშე დგანან - შარლ მიშელი
...
ხვალ, 17 ოქტომბერს, ევროპის საბჭოში სხდომა გაიმართება. როგორც ევროპული საბჭოს პრეზიდენტი, შარლ მიშელი აცხადებს, განსახილველ თემებს შორის არის საქართველო და მოლდოვა.
შარლ მიშელი სხდომაზე მისაწვევ წერილს აქვეყნებს და აღნიშნავს, რომ „საქართველო და მოლდოვა ქვეყანა ევროპული გზის გადამწყვეტი მომენტის წინაშე დგას“.
„ევროპის საბჭო განიხილავს რამდენიმე პოლიტიკურ საკითხს, რომელიც ეხება ჩვენს საერთაშორისო ურთიერთობებს, მათ შორის მოლდოვასა და საქართველოში ვითარებას. ორივე ქვეყანა ევროპული გზის გადამწყვეტი მომენტის წინაშე დგას.
ევროპის საბჭოს პასუხისმგებლობაა, რომელიც გათვალისწინებულია ხელშეკრულებებში, განსაზღვროს კავშირის ზოგადი პოლიტიკური მიმართულებები და პრიორიტეტები და ჩამოაყალიბოს ჩვენი კოლექტიური პოზიცია საერთაშორისო ურთიერთობების მიმართ. დარწმუნებული ვარ, რომ ჩვენ დავიცავთ ჩვენს საერთო ღირებულებებს და წესებზე დაფუძნებულ საერთაშორისო წესრიგს, კიდევ უფრო გავაძლიერებთ EU-ის გავლენას გლობალურ სცენაზე," - ვკითხულობთ წერილში.
