...

უკრაინის პრეზიდენტმა ვოლოდიმირ  ზელენსკიმ ხელი მოაწერა კანონს, რომელიც კრძალავს პრორუსულ პოლიტიკურ პარტიებს უკრაინაში. ამის შესახებ ცნობილი შაბათს, 14 მაისს გახდა. 

„ხალხის მსახურის“ დეპუტატმა, უმაღლესი რადას სამართლებრივი პოლიტიკის კომიტეტის პოლიტიკური რეფორმისა და კონსტიტუციური სამართლის ქვეკომიტეტის ხელმძღვანელმა, ოლჰა სოვგირიამ თავის ტელეგრამის არხზე დაწერა. 

მან აღნიშნა, რომ ეს კანონი ამოქმედდება გამოქვეყნების მომდევნო დღიდან. 

შეგახსენებთ, რომ მანამდე პარლამენტმა მიიღო ზოგადი კანონი უკრაინაში პრორუსული პოლიტიკური პარტიების აკრძალვის შესახებ. ამ გადაწყვეტილებას მხარი 330-მა სახალხო დეპუტატმა დაუჭირა. 

No7172-1 კანონპროექტის თანახმად, აკრძალვა ეხება პოლიტიკურ ძალებს, რომლებიც უარყოფენ ან მიესალმებიან რუსეთის აგრესიას უკრაინის წინააღმდეგ. მანამდე ასევე შეჩერდა უკრაინის უმაღლეს რადაში ფრაქციის ‘’ოპოზიციური პლატფორმა - სიცოცხლისთვის’’  და მთლიანად პარტიის საქმიანობა. ეს მოხდა ეროვნული უსაფრთხოებისა და თავდაცვის საბჭოს გადაწყვეტილების შესაბამისად.