...

უკრაინის უშიშროებისა და თავდაცვის ძალები ერთობლივ განცხადებას ავრცელებენ  მარიუპოლის დატყვევებულ დამცველებთან დაკავშირებით.

"მარიუპოლის 2,5 ათასი დამცველის სამაშველო ოპერაცია იყო ერთადერთი შესაძლო ვარიანტი ჩვენი გმირების სიცოცხლის გადასარჩენად.  არსებობდა ასეთი ალტერნატივა ან სამაშველო ოპერაცია ან სიკვდილი აზოვსტალში, პირველ რიგში, მძიმედ დაჭრილების, მას შემდეგ, რაც ყველა საჭირო მედიკამენტების მარაგი ამოიწურა.

მძიმედ დაჭრილები, პირველები გადავარჩინეთ ივნისის გაცვლაზე: 144 ადამიანი, საიდანაც 95 მარიუპოლის დამცველია, უკვე დაბრუნდა. მათი უმრავლესობა მძიმედ დაშავდა. ამ დროისთვის მათ ჩაუტარდათ საჭირო სამედიცინო დახმარება და რეაბილიტაცია.

ყველა სახელმწიფო ინსტიტუტი მუშაობს მარიუპოლის გმირების და მტრის ტყვეობაში მყოფი ყველა უკრაინელის დასაბრუნებლად. სამხედრო ტყვეების მოპყრობის საკოორდინაციო შტაბი 24/7-ზე აგრძელებს მუშაობას უკრაინელი დამცველების ტყვეობიდან გათავისუფლების, განსაკუთრებულ ვითარებაში უგზო-უკვლოდ დაკარგული პირების მოსაძებნად.

ამავდროულად, ჩვენ ვინარჩუნებთ კონტაქტს ტყვედ ჩავარდნილ სამხედრო მოსამსახურეების ოჯახებთან და ვასრულებთ ჩვენს ვალდებულებებს მათი სოციალური დაცვის მიმართ.

იმავდროულად, რუსეთის ფედერაცია არ ასრულებს თავის ვალდებულებებს, უგულებელყოფს შეთანხმებებს და არ ცნობს ომის საერთაშორისო ნორმებსა და წესებს. პატიმრების გაცვლის ამ საკითხის გათვალისწინებით, ის კომპლექსური და მგრძნობიარეა.

თავის მხრივ, უკრაინა მუდმივად აძლიერებს საზოგადოებრივ კომუნიკაციას ჩვენს პარტნიორებთან, მიმართავს საერთაშორისო ორგანიზაციებს და მსოფლიო ლიდერებს, ამახვილებს მსოფლიოს ყურადღებას იმ ქმედებებზე, რომლებსაც მტერი ახორციელებს ტყვეობაში მყოფ უკრაინელ სამხედროებთან.

მოვუწოდებთ მთელ ცივილიზებულ სამყაროს, აღკვეთოს მარიუპოლში ჯალათების მიერ უკრაინელი  დამცველების სასამართლო პროცესი.

ჩვენ მოვითხოვთ დაუყოვნებლივ გაგზავნონ გაეროს, წითელი ჯვრის საერთაშორისო კომიტეტის წარმომადგენლები იმ ადგილებში, სადაც უკრაინელი სამხედრო ტყვეები იმყოფებიან, პირველ რიგში, ოლენევკაში", - ნათქვამია ერთობლივ განცხადებაში.