...

ამ ღამით უკრაინის თავდაცვის ძალებმა 24 შაჰედის კამიკაძე  დრონი ჩამოაგდეს. ამის შესახებ უკრაინის შეიარაღებული ძალების საჰაერო ძალების სარდლობა Facebook-ზე იტყობინება.

 „26 იანვრის ღამეს რუსმა დამპყრობლებმა განაახლეს თავდასხმები უკრაინაზე ირანული წარმოების შაჰედ-136/131 კამიკაძე დრონებით.  თავდასხმა აზოვის ზღვის აღმოსავლეთ სანაპიროდან განხორციელდა. წინასწარი მონაცემებით, მტერმა გამოიყენა 24 „შაჰედი“. 24-ვე გაანადგურეს საზენიტო სარაკეტო დანაყოფებმა, გამანადგურებელმა თვითმფრინავებმა, საჰაერო ძალების მობილურმა საცეცხლე ჯგუფებმა უკრაინის თავდაცვის ძალების სხვა კომპონენტების საჰაერო თავდაცვის დანაყოფებთან თანამშრომლობით’’- ნათქვამია შეტყობინებაში. 

ცნობილია, რომ კამიკაძეების უპილოტო თვითმფრინავების დიდი უმრავლესობა განადგურდა ქვეყნის ცენტრში - საჰაერო სარდლობის პასუხისმგებლობის ზონაში.

კერძოდ,  კიევის საქალაქო სამხედრო ადმინისტრაცია კიევის თავზე დაახლოებით 15 „შაჰედის“ ჩამოგდების შესახებ იტყობინება.