დამალული ქონება და მშობლების ნაჩუქარი 120 000 ლარი - გრიგორიადისის საქმის მოსამართლის დეკლარაცია
...
თბილისის საქალაქო სასამართლოს მოსამართლეს ზვიად შარაძეს, რომელმაც 2024 წლის 12 აპრილს ლაზარე გრიგორიადისს 9-წლიანი პატიმრობა შეუფარდა, მშობლებისგან 120 000 ლარი აქვს საჩუქრად მიღებული და მეუღლის სახელზე რეგისტრირებულ 4 მიწის ნაკვეთს დეკლარაციაში მალავს - ამის შესახებ ინფორმაციას „საერთაშორისო გამჭვირვალობა - საქართველო“ ავრცელებს.
„საჩუქრები მშობლებისგან: ზვიად შარაძემ და მისმა მეუღლემ 7 წლის განმავლობაში მშობლებისგან საჩუქრად 120 000 ლარზე მეტი მიიღეს. აქედან 108 129 ლარი ზვიად შარაძემ 2019 წელს, თელავის რაიონული სასამართლოდან თბილისის საქალაქო სასამართლოში გადმოსვლის შემდეგ მიიღო.
დამალული უძრავი ქონება: ზვიად შარაძე მის ბოლო 3 დეკლარაციაში არ უთითებს მეუღლის უძრავ ქონებას, კერძოდ ოზურგეთის მუნიციპალიტეტის სოფელ გურიანთაში არსებულ 10,425 კვ.მ. მიწის ნაკვეთებს:
1,700 კვ.მ. მიწის ნაკვეთი
3,790 კვ.მ. მიწის ნაკვეთი
1,699 კვ.მ. მიწის ნაკვეთი
3,236 კვ.მ. მიწის ნაკვეთი შენობა-ნაგებობებით
დამალული უძრავი ქონების რეგისტრაციისა და მსხვილი საჩუქრის მიღების თარიღი საეჭვოდ ემთხვევა ზვიად შარაძის მიერ 2020 წელს კარტოგრაფების პოლიტიკურად მოტივირებული საქმის მოსამართლეობას“ , - ნათქვამია ორგანიზაციის მიერ გავრცელებულ განცხადებაში.
TI საგამოძიებო უწყებებს, დაინტერესდნენ აღნიშნული შემთხვევით. ასევე, მოვუწოდებთ ანტიკორუფციულ ბიუროს, შეისწავლოს ზვიად შარაძის დეკლარაცია.