აყალმაყალი და ხმაური ქობულეთის საკრებულოში - ოპოზიციამ სხდომა დატოვა
...
ხმაური იყო ქობულეთის საკრებულოს სხდომათა დარბაზში - "ნაციონალური მოძრაობის" წევრებმა პროტესტის ნიშნად სხდომათა დარბაზი დატოვეს. ისინი კითხვების დასმის საშუალებას ითხოვდნენ.
ოპოზიცია ახალ საარჩევნო კოდექსში შესულ ცვლილებებს აპროტესტებდა, რომლის თანახმადაც საკრებულოს ახალ თავმჯდომარეს 3 მოადგილე ეყოლება.
მმართველი გუნდის დეპუტატებმა ოპოზიცია დარბაზიდან ტაშითა და შეძახილებით გააცილეს.
მმართველი გუნდში ოპოზიციის პროტესტს პროვოკაციის მცდელობად აფასებენ.
სხდომათა დარბაზი არ დაუტოვებიათ "გახარია-საქართველოსთვის" პარტიის წევრებს.
ცნობისთვის:
ქობულეთის ახალი მოწვევის საკრებულო სულ 39 წევრისგან შედგება. თვითმმართველობის არჩევნებზე, ქობულეთის საკრებულოში, "ერთიან ნაციონალურ მოძრაობას" 13 მანდატი ერგო, "გახარია-საქართველოსთვის" - 2 მანდატი, რაც შეეხება "ქართული ოცნებას", ის 24 წევრითაა წარმოდგენილი.
საკრებულოს თავმჯდომარედ კი ისევ დავით მჭედლიშვილი აირჩიეს.
წელს, ადგილობრივი თვითმმართველობის კოდექსის თანახმად, საკრებულოების თავმჯდომარეს სამი მოადგილე ეყოლება - ეს თემაც ერთ-ერთია, რასაც ოპოზიციის პროტესტი მოჰყვა.