...

კიდევ ერთხელ მოწმობს ეს გადადება იმას, რომ სასამართლო ნამდვილად პოლიტიზებულია და არსებობს შერჩევითი სამართალი, კლანური მმართველობის სისტემა, - ასე ეხმიანება მარტის აქციების ერთ-ერთი მთავარი გმირი (ქალი ევროკავშირის დროშით), ნანა მალაშხია, ლაზარე გრიგორიადისის სასამართლო პროცესის გადადებას.

მისი თქმით, ლაზარე უდანაშაულოა და მას აქვს იმის იმედი, რომ საქართველოს პრეზიდენტი გრიგორიადისს შეიწყალებს.

„უდანაშაულოა და ვფიქრობ, რომ საზოგადოების მხარდაჭერა სჭირდება მას დღეს. ერთადერთი რისი იმედიც მაქვს ეს არის პრეზიდენტი, მე მას ნოემბერში მივმართე ლაზარეს შეწყალების მოთხოვნით“, - განაცხადა მალაშხიამ.