...

ჩვენ მივხედავთ ჩვენს აქციას, მათ მიხედონ საკუთარ აქციებს - ამის შესახებ პრემიერმა, ირაკლი კობახიძემ 29 აპრილის სახალხო მსვლელობაზე საუბრისას განაცხადა.

„ყველამ უნდა მიხედოს საკუთარ აქციებს. ჩვენ მივხედავთ ჩვენს აქციას, მათ მიხედონ საკუთარ აქციებს. 300 კაცზე მეტს ვერ კრებენ და 300 კაცი კეტავს საღამოობით თბილისის ქუჩებს, რითაც საზოგადოების გაღიზიანებას იწვევს. თან, ამ 300 კაციდან 2/3 არის დიმა ჩიქოვანის, ანუ კეზერაშვილის მიერ ათას ლარად, ან უფრო ნაკლებად დაფინანსებული ადამიანების ერთობა. თავის აქციებს მიხედონ, 300 კაცზე მეტს რომ ვერ კრებენ. ვნახავთ ასევე, რა იქნება ჩვენი აქციის შემადგენლობა. ძალიან ნერვიულობენ ჩვენს აქციაზე და უბრალოდ, ამ ნერვიულობას ვერ მალავენ ამ დღეების განმავლობაში. ნუ ნერვიულობენ. სანერვიულო აქვთ, მაგრამ მოვუწოდებ, მშვიდად შეხედონ ამ ყველაფერს, ეს მათ სიმშვიდეს წაადგება.

29-ში გაიმართება ჩვენ მიერ დაანონსებული აქცია. იყო სპეკულაციები, რომ ორშაბათსაც უნდოდათ აქციის გამართვა, რადგან კომიტეტი იმართება. თუ ოპოზიცია მოინდომებს, მეორე მოსმენით ამ კანონპროექტის განხილვას, შესაძლოა, 2-3 დღე დასჭირდეს. შესაბამისად, საკმარისი დრო აქვს რადიკალურ ოპოზიციას, რომ საპროტესტო აქციები გამართოს - სამშაბათს, ოთხშაბათს და ხუთშაბათს. ამიტომ, თავი დაანებონ ორშაბათს. კეთილი ინებონ და აქციები ჩაატარონ იმ დღეებში, როდესაც ამის საშუალება აქვთ. საქართველო არის დემოკრატია. უზრუნველყოფილია შეკრების თავისუფლება და რამდენიც უნდა, იმდენი შეიკრიბონ“, - განაცხადშეგახსნებთ, რომ „ქართული ოცნება“ ადმინისტრაციული რესურსით 29 აპრილს, ორშაბათს, სახალხო მსვლელობას გეგმას.  საქართველოს მასშტაბით სრული მობილიზაციაა - მმართველ გუნდს საჯარო მოხელეები, ბაღებისა და სკოლების დირექტორები, მასწავლებლები და თანამშრომელი ჩამოჰყავს. დაპირებისამებრ - კვება და ტრანსპორტირება უფასოა“, - განაცხადა კობახიძემ.