...

პარლამენტის ოპოზიციონერი დეპუტატი, პარტია „მოქალაქეების“ ლიდერი, ალეკო ელისაშვილი, კანცელარიის წინ მისი დაკავების ფაქტს იხსენებს.

ელისაშვილის განმარტებით, სასტიკად იყო ნაცემი, თუმცა შექმნილი ვითარებიდან გამომდინარე, კონკრეტულად რომელი პოლიციელი სცემდა დაკავების დროს ვერ იხსენებს.

„რომ შემათრიეს ერთი ეგ მახსოვს და რომ დავეცი. ზოგი მუხლის თავს მირტყამდა და ზოგი წიხლს და ზოგი მუშტს, მაგრამ ვინ იყო, როგორ იყო, ეგ ზუსტად არ ვიცი. სიმართლე გითხრათ, უფრო მეტად ვუცემივარ ვიდრე მეგონა და მახსოვდა, როგორც ჩანს კარგი გაშმაგებულები იყვნენ“, - განაცხადა ელისაშვილმა.