იმედს ვიტოვებ, რომ დამნაშავე უმოკლეს ვადებში და უმკაცრესად იქნება დასჯილი - ლევან იოსელიანი კესარია აბრამიძის მკვლელობაზე
...
სახალხო დამცველი ლევან იოსელიანი სოციალურ ქსელში კესარია აბრამიძის მკვლელობას ეხმაურება. მას იმედი აქვს, რომ დამნაშავე უმოკლეს ვადებში და უმკაცრესად იქნება დასჯილი.
"მინდა მწუხარება გამოვხატო კესარია აბრამიძის შემზარავი მკვლელობის ფაქტის გამო! პირველ რიგში ვუსამძიმრებ ოჯახს და ახლობლებს და იმედს ვიტოვებ, რომ დამნაშავე უმოკლეს ვადებში და უმკაცრესად იქნება დასჯილი.
ეს ფაქტი კიდევ ერთი დასტურია იმისა, რომ სიძულვილისა და გენდერული იდენტობის მოტივით ჩადენილი დანაშაულების მიმართ სამართალდამცავი ორგანოების და საზოგადოების რეაგირება განსაკუთრებით მკაცრი უნდა იყოს" - წერს ლევან იოსელიანი.
