კესარია აბრამიძის მკვლელობაში ბრალდებული დუმილის უფლებას იყენებს
...
37 წლის ტრანსგენდერი ქალის, კესარია აბრამიძის მკვლელობაში ბრალდებული 26 წლის ბექა ჯაიანი დუმილის უფლებას იყენებს.
ამის შესახებ ადვოკატმა, სალომე არდოტელმა დაკავებულთან შეხვედრის შემდეგ განუცხადა.
ადვოკატის თქმით, ჯაიანს ოფიციალურად ჩვენება არ მიუცია.
„გასაუბრების შესაძლებლობა მქონდა, თუმცა, კომუნიკაცია, რომელიც ჩვენს შორის შედგა, კონფიდენციალურია. ამ ეტაპზე დუმილის უფლებას იყენებს. ჩვენება არ მიუცია, საქმის მასალებს არ ვიცნობ, ბრალის წარდგენა ხვალ იქნება”, - განაცხადა არდოტელმა.
ცნობისთვის, დაკავებულის წინააღმდეგ გამოძიება სისხლის სამართლის კოდექსის 109-ე მუხლის „თ“ და „მ“ პუნქტებით მიმდინარეობს, რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობას გულისხმობს.
