...

ეს ადასტურებს იმას, რომ ყველამ ძალიან კარგად იცის, რომ ქართველები ვართ ევროპელები, რომ ქართველებს გვაქვს მაღალი ღირებულებების და დავიცავთ ამ ღირებულებებს. მათ ალიან კარგად იციან ვინ აფერხებს საქართველოს განვითარებას, - ასე ეხმიანება ევროსაბჭოს წარმომადგენლების განცხადებას, პარლამენტის ოპოზიციონერი წევრი თამარ კორძაია.

მისი თქმით საქართველოს წარმატება სურს ქვეყნის მოსახლეობას, თუმცა „ქართული ოცნება“ ამის საშუალებას არ იძლევა.

საქართველოს წარმატებას ევროპულ ასპარეზზე ბლოკავს საქართველოს ხელისუფლება და ეს არის ყველაზე სამწუხარო. ძალიან უნდათ საქართველოს მოქალაქეებს, რომ სახელმწიფოს ჯამში ისეთი წარმატება ჰქონდეს, როგორც აქვს ფეხბურთის გუნდს, მაგრამ ამ სურვილს არ იზიარებს უკვე 12 წლის მანძილზე ხელისუფლებაში არსებული ბიძინა ივანიშვილი და მისი გუნდი.