მე ვიყავი დაბადებული გამარჯვებისთვის - მიხეილ სააკაშვილი
...
მე მჯერა საქართველოს ბრწყინვალების, მე მჯერა საქართველოს სიდიდის, მე მჯერა საქართველოს და თითოეული ქართველის ძალიან დიდი მომავლის, ამაში დარწმუნებული ვარ ისე, როგორც არასდროს, - ამის შესახებ დღეს, 8 ივლისს საქართველოს მესამე პრეზიდენტმა მიხეილ სააკაშვილმა სასამართლო სხდომაზე განაცხადა.
მისი თქმით, საქართველო აუცილებლად დადგება ფეხზე, ისე როგორც თავად მოახერხა ფეხზე დადგომა, ბევრი შეურაცხყოფების მიუხედავად.
„ჩვენ მოვახერხებთ ამას. ჩვენი ბრძოლა არის განწირული გამარჯვებისთვის მე პირადად ვიყავი დაბადებული გამარჯვებისთვის, მომწამლეს, იატაკზე მათრიეს, მირტყეს, მაგრამ მაინც დავდექი ფეხზე და როგორც საქართველო აუცილებლად დადგება ფეხზე, ამ 12 წლიანი პროპაგანდის რუსული ნარატივების მიუხედავად. ჩამოიფერთხავს ამ ტალახს და გააგრძელებს წინსვლას. ჩვენ ახლა გვჭირდება ნამდვილი ნაციონალური მობილიზაცია“, - განაცხადა მან.
