განათლების სამინისტროში სტუდენტების უწყებაში დაბარების ფაქტს არ ადასტურებენ

სულ ნახვები : 194
Მიახლოება გადიდება წაიკითხეთ მოგვიანებით ბეჭდვა

...

მედიაში გავრცელებულ ინფორმაციას იმის შესახებ, რომ სტუდენტებს განათლების სამინისტროს წარმომადგენლები, სამინისტროში იბარებენ, უწყება არ ადასტურებს. 

მათი ინფორმაციით, განათლების მინისტრის მოადგილე ნუნუკა მიცკევიჩმა მას შემდეგ გამოთქვა სტუდენტებთან შეხვედრის სურვილი, რაც აღნიშნულის ინიციატივა თავად მათი მხრიდან წამოვიდა. 

„საქართველოს განათლებისა და მეცნიერების სამინისტრო ეხმიანება კონკრეტული მედიასაშუალებების მიერ გავრცელებულ ინფორმაციას აქციის მონაწილე სტუდენტთა სამინისტროში დაბარების თაობაზე.

პირველ რიგში, გვსურს აღვნიშნოთ, რომ სამინისტროს ერთ-ერთი პრიორიტეტია სტუდენტთა ხელშეწყობა და მათთვის თანასწორი, თავისუფალი და ჯანსაღი საგანმანათლებლო გარემოს უზრუნველყოფა. შესაბამისად, უწყებისთვის მიუღებელია ყოველგვარი ქმედება, რომელიც ახალგაზრდების შევიწროებისკენ და სიტყვის თავისუფლების შეზღუდვისკენ იქნება მიმართული.

სხვადასხვა მედიასაშუალების მიერ გავრცელებული ინფორმაცია იმის შესახებ, რომ თითქოს მოხდა სტუდენტთა დაბარება სამინისტროში – სიმართლეს არ შეესაბამება. ამასთან დაკავშირებით მოგახსენებთ, რომ სტუდენტებმა თავად გამოთქვეს საქართველოს განათლებისა და მეცნიერების მინისტრის მოადგილე ნუნუ მიცკევიჩთან შეხვედრის სურვილი. მხოლოდ ამის შემდეგ, სტუდენტების მოთხოვნის საფუძველზე, მინისტრის მოადგილემ გამოთქვა ახალგაზრდებთან შეხვედრის მზაობა“, - ნათქვამია უწყების ოფიციალურს განცხადებაში.

Მეტის ნახვა

უახლესი ვიდეოები