English 
ბუდუ ზივზივაძეს ევროშესარჩევში უნგრეთთან თამაში სურს
...
საქართველოს ეროვნული გუნდისა და უნგრული ფეჰერვარის ფეხბურთელმა ბუდუ ზივზივაძემ სანაკრებო პაუზის შემდეგ იქაურ მედიას ისაუბრა. ჩვენებურმა აღნიშნა, რომ სურვილი აქვს ევრო 2024-ის წილისყრისას საქართველოსა და უნგრეთის ნაკრებები ერთ ჯგუფში მოხვდნენ.
„გულწრფელად გითხრათ, ძალიან მინდა, რომ უნგრეთს ვეთამაშოთ. ძალიან კარგი თამაშები იქნება. ორივე შეხვედრაში გაივსება ტრიბუნები, რადგან ფეხბურთი ორივე ქვეყანაში უყვართ“, – თქვა ბუდუმ.
გეტყვით, რომ ევროპის ჩემპიონატის საკვალიფიკაციო ეტაპზე საქართველოსა და უნგრეთის ერთ ჯგუფში მოხვედრა სრულიად შესაძლებელია, რადგან სხვადასხვა კალათაში არ არიან განაწილებულნი. ევროშესარჩევი ეტაპის წილისყრა 9 ოქტომბერს გაიმართება.
